توجان ِجانمی ،جانم دنی تو
چراغ خانمه کنی شوها سو
به صحرا وبیابون کوزه کوزه
لبون تشنه مه خندون دنی او
***
زمه صحرا دواره ل َ لِه واره
ته وسه آسمونه پر ستا ر ه
بیابون با تو باغه ،باغ بی تو
سراسر رنگ وبوعالم نداره
***
مه عشقه لیلی ومجنون ندونه
مه وسه ماه تابون آ سمو نه
مه دل با هر گل سرخی به عالم
هده درورف ویخبندون جوونه
***
من اینجه دل ولی بر آسمونه
مه تشنایی به صحرا چشمه بونه
من احساسم بهیه قمری مست
بهرجا موج و کلاکی نشونه
***
کتاب ودرس ِمشق ِشَمه من او
تره کمه به عالم روز وشو بو
من عاشق عاشق ِروی توبَیمه
به هر ذره توخورشیدی بهرسو
***
چه من عاشق ترین عاشق نواشم
گل ازباغ دلم عالم نپاشم
زمه از موج وکلاکی به کلاک
نتومه من سَر ساحل دواشم
تیرماه 1380
