ا َیم شو بَیه و دل تنگه تنگه
غریبی تا سحر بامن بجنگه
به آه واشکمه مازندرونم
دماوند شقایق سرخ رنگه
***
بونه روزی من وتو گل بَچینیم
دواره چلچله ها ره بوینیم
سَر سرچشمه های جنگل سبز
شه گیسوسر گل گنم دَونیم
***
تش ِتش تش،تش ِتش تش دل من
ا لو ک سر بهییه منز ل من
ا گه ر و ز ی بکشم پر ا ز عا لم
گل آلاله رونه ا ز گل من
***
گل یاسی اِلمه نالبن سر
ونه بوجا کشمه من تره ور
دلا تاریکی غر بت نمونه
زمه پر من به جنگلهایم آخر
***
خوشا روزی دماوند بوینم
شقایق دسه دسه من بچینم
سر گل شاخه های جنگل سبز
کنار قمری عاشق نشینم
